| 16 Dec
極度疲累的一天...
中午放左學, 傾左一陣video project
3點幾傾完了, 就趕返屋企，print晒d wt note出黎諗住出去陪某人+溫書
人太累了，反到屋企實會達落張床到訓到隻豬咁
唯有死撐出去迫自己唔好訓覺...
腦袋連續幾日幾乎無時無刻係到諗緊功課，成個腦實晒咁
溫左一段時間都好似唔多入腦咁..
偏偏係呢個時候，某人搞左個大頭佛出黎
話說某人太遲返到總站，跟住比人踢出去九龍城載客
但一向唔聽話既某人
打算直接去到對面總站就算
沿路上又去左工業區到繞下圈
差唔多時間先慢慢向著目的地進發
由於唔熟路既關係
事前已經打定電話問定路
費時一陣行錯路過左海
差唔多到目的地了
係就係冇行錯路過左海
但偏偏係呢個時候miss 左個路口冇轉入去
停左係燈位前
大家都完全唔知係邊到黎
而前面一大條直路幾個路口都係不准左轉/右轉
keep住直行的話就可能上左d唔知咩公路去左荔枝角
心裏暗叫不妙
即係打電話搵人求救
但係電話又唔多聽話
搞左一輪先打到
問到人了，對方叫住直行直行
說時遲那時快，某人已經轉緊彎
見到彌敦道了，心存一絲希望
但冇周詳計劃下亂咁左轉右轉
轉到d 橫街仔又遇上塞車
見住時間一分一秒咁過都唔知點算
最後，總算趕得切係最後兩分鐘返到
大家都鬆左一口氣...
唔知點解
咁嚇一嚇
成晚都冇晒睡意.... |
| |
| 很荒唐...
半年前，我不覺得後悔
半年後，我很後悔 半年前，你擔心會連累了我 半年後，我發覺你真的連累了我 跟本不該認識你
很多心事很想跟人談
但很多心事都是不能說的秘密 好辛苦 我想退出了 |
| |
| 9 Nov
考車牌日...竟然負負碌碌比我一鑊過搞惦左...
但我真係諗極都諗唔明
點解我渣得咁恐怖又死火又冇打燈又呢樣個樣個考官都可以比我pass...
真係合格左都唔知咩事=_=
--------------------------------------------------------------------------------------
臨出門口，心情極度緊張，點知寧少自動送上門打電話黎，於是捉住佢煲粥
跟住講起前晚將軍澳巴士翻側意外
仲諗住串佢，點解你次次成車客綻個個彎唔反但人地可以綻到反車
但聽到既竟然係奸笑聲............
「哈哈哈哈哈~你知唔知我睇到拍晒手掌呀，e，死得一個ja，死得咁少架，哈，如果架巴士再係前少少反，成架巴士插落花槽個枝鐵柱到，呵，咁就一枝牙籤五粒魚旦啦，哈哈哈哈哈...」
加埋個把極度可怕既奸笑聲..頓時毛骨悚然..."
若然唔係想捉個人陪我吹水...真係想兜巴星埋去
睇你咁綻法，因住下個到你... |
| |
| 10月8日
朝早發左個勁恐怖既夢搞到冇覺好訓
本來8點半返學卻訓到8點先爬起身...
8點半出門口諗住9點半返到去上半堂都好丫
結果8點半出門口9點半我仲係黃大仙等緊車... ===================================================================
放學去左陪寧少
真係唔多明白點解d公公婆婆們明知自己行動不便，架車行緊又唔扶實條柱仲要行上樓上
係土瓜灣某交通燈位，寧少好慢咁起步，後面忽然傳來巨響，然後就係痛苦既呻吟聲
原來有個婆婆係樓梯碌左落地下，四腳朝天咁達左係地下到
婆婆起身即刻行去寧少身邊，大大聲係到Fxxk，質問佢點解綠燈要開車搞到佢碌落樓梯.......
罵完幾個站，婆婆沒趣地行返上樓上
係某個站停站期間，婆婆又走返落黎又再破口大鬧
係站外等車既一名八掛女士見狀走埋上車，唔知情既佢幫手鬧埋一份...
其中一個候車伯伯不斷勸婆婆息事寧人，卻被個位八掛女士鬧，佢冇坐過架車冇權出聲...(其實佢自己咪又係一樣 )
之後，坐係下層既人相繼鬧埋一份
如是者擾攘左十幾分鐘，婆婆最終唔肯報警，就此了事
寧少有d冤枉，佢跟本就睇唔到樓梯既情況，責任跟本就唔可以懶晒係某一方
本來最近心情已經好差既寧少，仲要發生呢d不愉快事件
去到觀塘時佢竟然想踢我落車並打算有進一步行動
聽到個時都忍唔住想喊
亦好擔心佢
最後總算平安返到寶林了
寧少決定早退走人
然後同埋阿澤兩兄弟四個人一齊去左寶達KFC食左個99蚊既巨型筒餐
其實大家都冇乜胃口食了，剩左勁多野食係到
食完又落左觀塘閒逛，跟住入左去數碼通既門市，寧少見到有notebook係到走埋去玩，玩左一段時間就叫我同阿澤做掩護，極速上網download左張甜相做桌面，完事後極速逃離現場，邊走邊笑到碌地XD
但相信即使店舖既職員認唔出係邊個做，都應該好易認到玩野個個係邊間公司工作......
最後阿澤走埋，陪左陣寧少閒逛先返屋企去 始終一場朋友，唔擔心就真係假既......... |
| |
| 10月4日
跟Billy入左西貢玩左一日~ 係西貢碼頭食飽飽就入左黃石碼頭睇牛牛~
 
牛BB好可愛啊~細隻到好似狗仔咁~連牛角都未有~~
牛媽媽教導牛BB格鬥中~
食飽飽訓返覺先~
d相影得咁靚，當然係出自Billy的手啦~XD
最後多謝Billy份生日禮物~ =v=
|
| |
